gaui emils

Ég og Hersteinn ættum að vera á leiðinni til Bratislava í dag en vegna óviðráðanlegra orsaka þá frestast ferðin til 21-26. júní þannig endilega komið með ef þið komist á þessum tíma.

yes yes yo, ég er að fara yfir um á myndavélinni. Veðrið er búið að vera Charles Manson þessa helgina og hér eru myndir og ég er orðinn brúnni ..ég hef samt aldrei fattað nafnið Kolbrún ..er ekki meira viðeigandi að heita Kolsvört eða Kúkabrún?


fyrst var það Islandsbrygge á föstudeginum


Svo var það grillveisla hjá Sirrý, hún átti afmæli þennan dag, til hamingju!:)


svo var það Amager Strand á laugardeginum


og Kongens Have seinna þann dag.

Í dag (sunnudagur) var líka mjög næs og fór ég í smá hjólatúr og lá í rjóðri sem liggur við vatn og sólaði mig þar smá, var ekki með myndavélina í það skiptið (já whats in the gang!). Vona bara að það komi fljótlega vont veður svo maður nái að einbeita sér að BA ritgerðinni sinni og fatafyrirtækinu mínu Gaur & Gella hf sem er með búðir á Selfossi og í Keflavík.

The Fool on the Hill

Við hliðina á kolleginu mínu er stórt svæði með trjám, göngustígum, beljum, lækjum og fleira gotterí. Á miðju svæðinu er hóll sem ég hreinlega elska. Hversu skemmtilegt verður það að fara uppá hólinn í góðu veðri með hróarskeldustólinn minn, gítar, bjór og kannski góðan félagsskap (en ég held að fáir nenni að standa í þessari vitleysu (vitleysa í þeirra augum en lífstíll í mínum). Svo er spurning um að byggja lítinn kofa uppá hólnum og vera þar alltaf á sumrin. Kannski að lítil Christiania fæðist þarna ..hver veit. En hérna eru myndir af ástinni minni og svo koma líka myndir af okkur vinkonunum í sólbaði.


Hóllinn er ekki mikið fyrir augað..


..en útsýnið er magnað


ég skil ekki afhverju enginn sat og naut útsýnisins


sorry ég tók ekki betri mynd af ykkur :)


veðrið var über gott

Tilbúna band dagsins
Lick & Play er glænýtt band sem mun hita upp fyrir Nik & Jay.

Star Wars

Ég sá Star Wars myndina í gær og hún var bara nokkuð góð. Ég er einn af þeim fáu sem vita lítið um þessar myndir, vissi bara um daginn að Anarkin verður að Svarthöfða. Spurning að horfa núna á mynd 4-6 því ég er bara orðinn spenntur hvað gerist! ég man bara eftir geislasverðunum þegar ég horfði á þetta sem krakki og að einhver væri pabbi einhvers.

Það var enginn að fatta að þetta próf með asíska golfaran var eitthvað sem ég bjó til sjálfur. Átti að vera svaka djókur en enginn fattaði neitt, eru prófin á netinu í dag virkilega svona fucked up að það taldist alveg eðlilegt að sjá hvaða asíski golfari maður væri? En með þessu næsta prófi þá ættuði vonandi að fatta djókinn ..reyndar fatta ég hann ekki sjálfur but nevermind..

Það virðist vera vinsælt að taka hin og þessi prófin á netinu og ákvað ég því að taka eitt:



og svo linkurinn á þetta ágæta próf.

Kominn tími til að blogga. Fólk ætlast til að maður bloggi reglulega. Magn umfram gæði? Britney Spiers umfram The Smiths? Pælingar eða dagbók? Fjölskylda eða vinir? bæði eða aðrir? Chicken or the egg? Þarf ég myndir til að magna upp ímyndunarafl lesandans eða eru orð gulls ígildi? Hver fann annars upp spurningamerkið? Spurningamerki er ekkert annað en afslappað upprópunarmerki sem meikar alveg sens því allt er svo tens (sens og tens ríma) þegar fólk notar upphrópunarmerki. Gaurinn í Staur auglýsingunni eignaðist son! Nei ég er ekki með lítil brjóst! svo mikil spenna sem myndast, allir á nálum, all happening. Kannski að klúbbur ætti að heita ! (upphrópunarmerki) ..eflaust heitir einhver klúbbur það, það er hljómsveit sem heitir !!! (upphrópunarmerki, upphrópunarmerki, upphrópunarmerki). Ég held að konur noti oftar upphrópunarmerki heldur en karlar, pælið aðeins í því ...meina ..pælið aðeins í því!!! Annars er upphrópunarmerki asnalegt orð, það er langt og fer illa með flestum mat. Það ætti að vera til einhver stytting á því ..ó er það til? já það er spennt upp spurningamerki (?) ..sjáið þetta: ?>! eins og góð klámmynd. Æ ég er búinn að kvelja ykkur nógu lengi, ég er farinn að sofa...

KOMINN MEÐ MYNDASÍÐU



Það er linkur á síðuna hérna hægra megin og þið getið líka klikkað hér

Elton John verður með fría útitónleika í Bratislava 1. júní. Það vill svo skemmtilega til að ég verð á sama tíma í borginni:D ..afhverju drullistði ekki með!?:D

þetta er útsýnið þaðan sem ég á heima akkurat núna. Ekki líður svo á löngu að ég flyt í stuttan tíma til Íslands og svo aftur til dk og þaðan í eitthvað annað húsnæði og þannig koll af kolli. Kannski ég geti haft myndasyrpu í hvert skipti. Þessi mynd er tekin með nýju myndavélinni minni, er mjög sáttur við hana, þessi mynd er reyndar tekin í gegnum glugga. Einu sinni klifraði ég í gegnum glugga og ég hef fengið gluggapóst en það er önnur saga. Vá ég er eins og Chandler þegar Monica sagði honum að það væri einn gaur í vinnunni hennar sem væri fyndnasti gaur í heimi.

Ég vil ekki vera djúpur en hver er tilgangur lífsins?

hey krakkar! er ekki svoldið sniðugt að við skellum okkur á Københavns Karneval sem er 13-15 maí!? Þetta er í Fælledparken, getum t.d. farið á föstudaginn, drukkið nokkra bjóra, skoðað liðið, tekið þátt, séð brjóst;) Kynnið ykkur málið á karneval.dk

Mánudagsljóðið

yo yo yo west versus east
beauty versus the beast
gotta act someboddy when pulling the trigger
so predictable to use the word nigger
so I use instead Mick Jagger
and while Im at it I´ll bone his datter
yo yo yo did I just use some danish splatter?
crap in a can Im getting fatter!

Hérna eru nokkrar myndir af Kaiser Chiefs tónleikunum sem Stebbi tók. Eins og sést á myndunum þá voru þetta snilldar tónleikar, söngvarinn fór á kostum!

Tónleikarnir í gær voru geeeeeggjaðir! meira um það á morgun.

Bratislava

Ég og Hersteinn erum að fara til Bratislava í Slóvakíu 31. maí til 5. júní. Vill einhver koma með okkur? Flug og gisting á kúk og kanil.

Hvað er ég að fara út í í kvöld á Stengade!?:S >>> Brace yourselves you polysexual misfits of Copenhagen and all you other people, because a new saviour has arrived in the twisted, eclectic, messed up shape of Club Motherfucker. A party night of debauched hedonism and liquor-fuelled hullabaloo brought to you by djs and wannabees who rocks and /or wants to – those are the peolple who provide a kaleidoscopic soundtrack of DIRTY punk, allGRRRLbands, sleazy ELEKTRO, heartbreaker indie, raw ROCK n’ roll, twisted retro, NYC next wave and whatever they fucking they want! It might be a surprise, given the name, to hear that this affair is a brash, boisterous and rock n’ roll as anything this capital can offer on a thursday night. A club with attitude that threatens to do as much lasting damage on liver as it does the eardrum. Not that that acts as a deterrent – far from it! You wish it was thursday every day. Club Motherfucker – because swearing is BIG and clever.

Svo er það Stengade aftur á morgun og þá ættu þeir sem fíla Pulp, Blur, White Stripes, The Smiths, The Strokes og fleiri bönd að brosa því það er nefnilega indie kvöld ..vill einhver með?

Snorri bauð mér á Blues Explosion (hét áður Jon Spencer Blues Explosion) og þetta voru bara magnaðir tónleikar. Miklu meiri kraftur en ég átti von á, þetta var eins og að vera kominn í litla rokkholu í New York '95 eða '85 eða bara núna '05 ..þetta var timeless, a parallel universe, cult. Ég þurfti því að fórna Liverpool - Chelsea sem var miður. Ég labbaði framhjá bar og sá að staðan var 1-0 fyrir Liverpool þannig þetta var öruggt, hafði alveg trú á að Liverpool vörnin næði að halda hreinu.

Svo er það aldreilis konfektmoli í kvöld. Ég er að fara á Kaiser Chiefs á Loppen í kvöld. Þetta eru Bretar og þeir eru að gera allt vitlaust þar á bæ en hérna í Danmörku er þeir nánast óþekktir því Danir hafa ekkert vit á tónlist og hafa aldrei gert. Kaiser Chiefs spila mjög svipaða og jafn grípandi tónlist og Franz Ferdinand og ég spái að Kaiser Chiefs nái þeim í frægð áður en langt um líður. lagið Oh My God er að fá spilun á MTV og á XFM en auðvitað eru þeir ekkert spilaðir hérna í Danmörku. Tékkið líka á lögunum You can have it all og I predict a riot. Það er orðið uppselt á þessa tónleika þannig aumingja þið hin bara. Þið sjáið þá bara á Store Vega þegar þeir koma aftur eftir 1-2 ár.

Hún á afmælí dag, hún á afmælí dag, hún á afmæli hún bloggsíðan mín, hún á afmælí dag!

Reyndar átti hún afmæli í gær but whos counting or checking. Vá margt sem hefur verið skrifað, mörg komment (sem eru öll týnd núna), mörg verðlaun fyrir skemmtanagildi og ritsnilli (Entertainment Tonight, Newsweek), nokkur mánudagsljóð sem kom ykkur í gegnum erfiða vinnu og námsviku, innihaldsríkar pælingar og annað gott stöff sem hefur brabslarað (tilbúið orð) uppá daga þessarar síðu. Er því ekki við hæfi góðir lesendur að fara á byrjunina og lesa allar mínar færslur?? whaaatt! það er víst hressandi þarna!

Eða er þetta búið að vera tilgangslaust bull bara? já æi ég held að ég hætti þessari bloggvitleysu, það er enginn sem les þetta hvort sem er, veit ekki hvað ég var að pæla, takk fyrir mig..

peace, love and empathy,

Gaui