gaui emils

ok evran veiktist ekki eins mikið og ég bjóst við en samt eitthvað ..maður fer samt að getað ferðast aftur út ...liggur við, liggur við.

Næst síðasta kvöldið mitt í Berlín fór ég á tónleika með Double Dagger frá Boltimore. Sérstakt band ..aðeins bassi, trommur og söngur ..hávaðarokk eitthvað ..en ágætis tónleikar. Labbaði mikið um Berlín síðustu dagana. Það eru ágætis líkur á að ég sé að farað flytja þangað í október.

Er núna kominn til Íslands og mikil vinna framundan út af nýju búðinni í kjallaranum á Hemma og Valda sem ég opnaði með Lindu og Elínu.

Ég ætla að giska á að evran eigi eftir að falla mikið á morgun. (ok þessi setning kom svoldið from hell)

Fór á Broken Social Scene í gær. Ég þurfti að kaupa annan miða því miðasalan var lokuð í gær út af frídegi. Mjög fúlt en sem betur fer var ekki uppselt. Tónleikarnir voru góðir en ekki frábærir. Staðurinn var ekki svo næs. Rugl heitt þarna inni og samt stóð ég í tröppum aftast þar sem loftið var bærilegra og ég sá bandið vel þaðan. Ég vorkenndi þeim sem voru á gólfinu, það hefði liðið yfir mig þar. Þeir spiluðu fullt af gömlu góðu stöffi en þeir spiluðu ekki lengi ..alveg undir 2 tímum ..oft spila þeir alveg í 3 tíma. Upphitunarbandið var ekkert spes ...ungt þýskt band.

er í Berlin ..mjög næs. Var fyrst 2 daga í Köben, átti að vera 4 daga en Kevin leyfði mér það ekki (Eyjafjallajökull).

Ég og Snorri fórum á Pavement hérna í Berlin og tónleikarnir voru mjög góðir. Við vorum á besta stað uppá svölunum beint á móti sviðinu. Hápunktarnir voru Cut your hair, Fin, Range Life.

Við gistum á Circus hostelinu sem var á besta stað og mjög snyrtilegt og flott. Núna er Snorri farinn þannig ég er hjá hinum og þessum couchsurferum. Á laugardaginn fór ég í bbq partý í stórum garði og þaðan í annað bbq partý uppá þaki í stórri kommúnuíbúð með útsýni yfir Berlin ..alveg magnað. Fórum svo í bæinn vel sósaður af vodka því ég hafði keypt heila flösku ...fór með flöskuna líka inn á barinn og hélt áfram þar.

Í dag er frídagur en ég er samt að vinna í dag! Ég er í Granatengarten sem er lítil design búð. Ég er með boli og kjóla þar í sölu og ég hef verið að selja stöff frá henni. Svoldið skrítið að vera allt í einu að vinna í búð í Berlin og maður talar ekki einu sinni þýsku. Búðin er reyndar á rólegri götu og ekki mikil traffík í búðina.

Svo er það Broken Social Scene í kvöld! Reyndar ekkert víst að ég komist því það er lokað í miðasölunni í dag þar sem ég átti að pikka upp miðann!! Ef nafnið mitt er ekki á skrá í tónleikahöllinni (sem er alls ekkert víst) þá þarf ég að kaupa miðann aftur af einhverjum dúdda og það er alls ekkert víst heldur að það sé hægt ...klúúúðuuuur!

Og þar kom að því að gosið í Eyjafjallajökli hefði áhrif á mig. Ég átti flug til Köben kl 7 í morgun. Því var flýtt til kl 5 þannig ég ætlaði að vakna kl 2:45 en ég vaknaði við sms frá Iceland Express kl 2:25 að fluginu væri seinkað til kl 18 í dag. Nú þarf ég bara að bíða og sjá hvort það muni standa. Askan reyndar stefnir á Reykjavík þannig kannski þarf ég að fara til Akureyrar eða ég kemst bara ekki neitt.

Hey svo er Sigurður Einarsson eftirlýstur af Interpol. Samkvæmt þessu að dæma þá verður það að teljast líklegt að þeir vilji Sigurð sem nýjan bassaleikara hljómsveitarinnar. Ef af þessu verður mun hann leysa Carlos D af hólmi sem verður að teljast ansi erfitt því Carlos er þekktur fyrir að vera mikill tískumógúll. "Ég læt verkin tala." sagði Sigurður þegar hann var spurður hvort það væri ekki erfitt að fylla skarð Carlos. "Fyrir mér snýst þetta fyrst og fremst um tónlistina. Hverjum er ekki sama hvernig tónlistarmaðurinn lítur út svo lengi sem hann gerir góða mússík." bætti Sigurður við. Sigurður ætti þó að falla vel að lúkki hljómsveitarinnar þar sem Interpol liðar eru þekktir fyrir að vera ávalt snyrtilegir til fara á tónleikum. Við þetta má bæta að Sigurður hefur ráðið lögmanninn Ian Burton til að fara yfir ráðningarsamning sinn. Burton þessi er enginn aukvisi því meðal fyrrum skjólstæðinga Burton má nefna söngkonuna Amy Winehouse..