gaui emils

Hæ hó jibbí jei og jibbíí jei, það er kominn 17. júní! Ég hef aldrei skilið afhverju það er jibbí jei og jibbí jei. Er ekki nóg að segja bara jibbí jei einu sinni?? Afhverju þá ekki alveg eins Hæ hó og hæ hó og jibbí jei og jibbí jei? Eðlilegast væri að segja bara hæ hó og jibbí jei, það er kominn 17. júní. En það passar víst ekki við lagið og því þarf að endurtaka jibbí jei sem er auðvitað dæmi um hugmyndaleysi höfundarinns. Afhverju ekki "hæ þú, veistu frú hvaða dagur er nú, það er kominn 17. júní". Já auðvitað finnst ykkur það asnalegt því þið eruð ekkert vön því en ímyndið ykkur ef lagið hefði allaf verið þannig og svo væri ég að dissa það og kæmi með uppástunguna "hæ hó jibbí jei og jibbí jei", þá myndu allir koma: "riiiiiight, maður hefur ekkert jibbí jei tvisvar Gaui, það væri heimskulegt, þú ert ekkert smá heimskur gaur, ertu frá Selfossi eða??". En lög eiga reyndar stundum að vera með asnalegum textum því þeir festast betur í manni og það gerir lagið eftirminnanlegt. Niðurstaða: auðvitað er þetta ok lag.

Til hamingju annars með daginn kæri landi og eyfetlingar (þetta orð er örugglega ekki til). Ég ætlað fagna deginum með því að fara með Hauki einhvert þar sem einhver hátíðarhöld eru, veit annars voða lítið um hvar og hvernig þetta verður. Svo er partý hjá Sirrý í kvöld og það er bara vonandi að margir mæti svo þetta verði eins og niður í bæ í Reykjavík þegar við vorum unglingar, þvælast með landapelann (ég gerði það reyndar aldrei) og horfa á öll böndin í rigningunni ..sé samt ekki alveg hvernig hægt er að líkja því saman við partíið ..nevermind.

Listinn
Topp 5 atriði sem maður þarf að passa sig á á 17. júní:
1. Harmonikkuballi á Ingólfstorgi
2. Að kaupa ekki landann af frænda kunningja vinar vinar þíns.
3. Að syngja með "mér finnst rigningin góð"
4. Að gleyma að fá sér ekki SS pylsur
5. Að næla sér í útúr drukkna jussu með andlitsmálningu, flagg í hausnum gangandi um í bleiku balletpilsi syngandi "hæ hó jibbí jei og jibbí jei, það er kominn 17. júní!"